Жұмысын желі арқылы жандандырған

Елімізде ұлттық нақышта ою-өрнек тоқып, қазақтың төл туындысын насихаттап отырған топтар бар. Он саусағынан өнері тамған сондай қолөнер шеберлері қатарында мүмкіндігі шектеулі азаматтар да кездеседі. Тағдырдың теперішіне қарсы тұрған, сондай шеберлердің бірі – Жеңіскүл Дәулетова бүгінде әлеуметтік желі арқылы тапсырыс қабылдап, жұмыс жасауды жүзеге асырып келеді. Бұдан жеті жыл бұрын апатқа ұшырап, төсек тартып жатқанда, әжесі қолына ине-жіп ұстатып, тігіншілікке баулыған екен. Алғашында әуестікпен басталған тігіншілік өнері қазір табыс көзіне айналды. Бүгінде ол өз білгенін өзгеге үйретіп, жастарды өнерге баулуда. Жеңіскүлдің фейсбук парақшасы арқылы алыс-жақын шетелдерден де тапсырыс түседі екен. Көздің жауын алатын түрлі бұйымдарға деген сұраныс күн сайын артуда. «Әсіресе, шетелдіктер біздің қошқар мүйізбен жасалған тұскиіз, жастық сияқты  бұйымдарымызға тапсырыс береді», – дейді ол. Биылғы жылы шебер қазақы қол өнердің барлық түрлерін, әсіресе, сұранысқа ие қыз жасауын жасауды, әдемі нақыштағы ою-өрнекті  киімдер тігуді қолға алмақшы. – Қаржы болса, қала орталы­ғынан сән үйін ашып, жастардың  төл өнерімізге  келуіне өз үле­сім­ді қосқым келеді, – дейді Жеңіс­күл. Ұлттық бояуы қанық отан­дық өнім­деріміз шетелдіктер сұра­нысын қанағаттандырып, озық танылып жатса, қанеки! Айман МҰҚЫШЕВА