Таным • 19 Шілде, 2023
Түркістан қаласында өткен ІІ Ұлттық құрылтайда еңбек адамын насихаттау туралы жақсы ой көп айтылды. Мемлекет басшысы Қ.Тоқаевтың өзі: «Біз еңбек адамының мәртебесін көтеруге баса мән береміз. Елімізде түрлі саланың кәсіби мерекесі бар. Көбінесе мұндай мейрамдар назардан тыс қалып жатады. Менің ойымша, «Еңбек күніне» орай ең үздік мамандарды мемлекеттік деңгейде ұлықтаған жөн. Бұл қадам қоғамда еңбек культін орнықтыруға жол ашады», деп айрықша атап өтті. Осы тұрғыда күні кеше, кеңестік кезеңде алыс ауыл-аймақтарда жұмыс көрігін қыздырған бейнеткеш ата-бабаларымыздың, әке-ағаларымыздың өнегелі өмір жолын, тағылымды тірлігін бүгінгі өскелең ұрпаққа үлгі тұтудың да мән-маңызы ерекше.
Халық • 13 Шілде, 2023
Аз қамтылған отбасыларға қамқорлық
Ел тұрғындарын жылу, электр энергиясы, су және басқа да коммуналдық қызметтермен үздіксіз қамтамасыз ету мақсатында тұрғын үй-коммуналдық шаруашылығы инфрақұрылымында қордаланған мәселелерді шешу үшін «Тарифті инвестицияларға айырбастау» бағдарламасы іске асырылып жатыр. Оған сәйкес 2023-2029 жылдарға 62 мың км инженерлік желілерді жаңғырту үшін шамамен 3 трлн теңге инвестиция тарту көзделіп отыр. Сондай-ақ аталған бағдарлама аясында жергілікті бюджет қаражаты есебінен аз қамтылған отбасыларға коммуналдық қызметтерге ақы төлеу үшін тұрғын үй көмегі қарастырылған.
Өндіріс • 13 Шілде, 2023
Мемлекет басшысы Қ.К.Тоқаев «Әділетті мемлекет, Біртұтас ұлт. Берекелі қоғам» атты Қазақстан халқына Жолдауында: «Ауыл шаруашылығын дамыту – негізгі мәселенің бірі. Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін және оның қосымша құнын арттыру қажет. Бұл – стратегиялық міндет», деп атап өткен болатын. Осы тұрғыда еліміз көлемінде жан-жақты мемлекеттік қолдаудың арқасында аса ауқымды инвестициялық жобаларды сәтімен жүзеге асырып жатқан, заманауи үлгідегі кәсіпорындар жыл санап көбейіп келеді. Солардың бірі – Ақмола облысының Бұланды ауданы аумағында орналасқан Макинск құс фабрикасы.
Ауа райы • 11 Шілде, 2023
Синоптиктердің болжамына сенсек, еліміздің басым бөлігінде 11-13 шілде күндері күн тағы да қатты ысиды. Алдағы тәуліктерде ел аумағы арқылы Батыс циклоны өтеді.
Елорда • 06 Шілде, 2023
Бас қаланың демографиялық дерек-дәйегі
Астана қаласының тұрғындар саны, табиғи өсімі жыл сайын артып келеді. Еліміздің бас қаласы қазақ даласының қақ төріне көшірілгелі бергі ширек ғасыр ішінде Елорда халқы төрт есеге жуық өскен. 1999 жылғы санақ нәтижесі бойынша Ақмола халқының саны 318 000 адамды ғана құраса, 2016 жылдың 5 шілдесінде, Астана күні қарсаңында қаланың миллионыншы тұрғыны дүниеге келді. Ал 2022 жылдың 1 қазанында, Стратегиялық жоспарлау және реформалар агенттігінің ұлттық статистика бюросы департаментінің дерегіне сәйкес, Астана қаласы тұрғындарының саны 1 340 782 адамға жетті.
Аймақтар • 02 Шілде, 2023
Қарағандыда Ұлттық домбыра күні қарсаңында академик Е.А.Бөкетов атындағы университет аумағында «Күй аллеясы» ашылды. Демалыс орнына Кетбұға, Қорқыттан бастап, халқымыздың біртуар Тәттімбет, Құрманғазы, Ықылас, Әбди, Сембек, Нұрғиса сынды күйші-композиторлардың елге танымал туындыларымен жабдықталған, барлығы 17 орындық орнатылған. Орындықтарға адам жақындаған бетте күй шырқала жөнеледі.
Ауыл • 19 Маусым, 2023
Астанада Ұлттық агроқозғалыстың ұйымдастыруымен «Малшылар күні» мерекесіне арналған «Жыл қорытындысы» атты дөңгелек үстел өтті. Іс-шараға Ауыл шаруашылығы, Еңбек және халықты әлеуметтік қорғау, Экология және табиғи ресурстар министрлігінің өкілдері, Мәжіліс депутаттары, сала мамандары мен БАҚ өкілдері қатысты.
Өнім • 15 Маусым, 2023
Жеміс-жидек пен көкөніс өнімдері азық-түлік нарығының қомақты бір бөлігін құрайды. Аталған өнім түрлерінің өсірілуі, саудасы, сапасы, бағасы қалың бұқараның, тиісті мекемелердің, арнайы қызметтердің ұдайы назарында, қатаң бақылауында. Үкіметтің ішкі нарықты жеміс-көкөніс өнімімен молықтыру жөніндегі шаралар туралы арнайы қаулысы да бар.
Төтенше жағдай • 12 Маусым, 2023
Өрт – аса қатерлі тілсіз жау. Қай кезде де бұл құбылысқа бейқам қарауға болмайды. Өрт, су сынды айтып келмейтін апаттардан алдын ала сақтану, оған тас түйін дайын болу – күн тәртібіндегі маңызды мәселенің бірі. Осындай қамсыздықтың салдарынан елімізде орны толмас қайғылы оқиға орын алды. Абай облысындағы орман өрті кезінде табиғатқа, қоршаған ортаға, ел экономикасына келтірілген залал, шығын өз алдына, адам өліміне жол берілді. Өртпен күрес кезінде 14 адам тілсіз жаудың құрбаны болды.
Шаруашылық • 12 Маусым, 2023
Бүгінгі күнге келіп түскен облыс әкімдіктерінің жедел деректері бойынша көктемгі дала жұмыстары еліміздің барлық өңірлерінде толық аяқталды. Бұл жөнінде Үкіметтің кезекті отырысында Ауыл шаруашылығы министрі Ербол Қарашөкеев мәлім етті.
