Қоғам • 20 Қараша, 2023
Құмар ойыннан қалай құтыламыз?
Алматыда құмар ойындардың құрбаны болғандар көбейген. Олардың дені – оң-солын танымаған өрімдей жастар. Экономикалық тергеу департаментінің өкілдері жыл басынан бері үш ойын залы мен бір букмекерлік кеңсенің және төрт бірдей жасырын казиноның қызметін тоқтатқан. Сонымен бірге 94 компьютерлік техника заңсыз айналымнан алынып, сот үкімімен 500-ден астам ойын терминалы жойылған.
Өнер • 14 Қараша, 2023
Алматыда студенттер арасында республикалық «Ділмар» шешендік өнер байқауы өтіп, ел аймақтарындағы 14 жоғары оқу орнынан келген шәкірттер өз шеберлігін паш етті. Дәстүрлі жоба биыл екінші мәрте өткізіліп отыр.
Тұлға • 01 Қараша, 2023
Саналы ғұмырын қазақ фотожурналистикасының өрістеуіне арнаған Сайлау Пернебаевтың есімі өз замандастарының бүтін бір шежіресін жасаған айтулы шебер ретінде аталатыны анық. Қас-қағым сәтті мәңгілік тарихқа айналдырған майталман маманның өмірге келгеніне биыл 85 жыл толып отыр. Жуырда фотогердің «Ақ пен қара» деп аталған сирек суреттер мен ол жайында жазылған естеліктер топтастырылған жинағы жарық көрді. Әке мұрасын жұртшылыққа жеткізіп, жинақтың шығуына мұрындық болған ұлы Ербол Сайлауұлын және аталмыш еңбекті құрастырған шәкірті, белгілі фотожурналист Асылхан Әбдірайымұлын әңгімеге тартқан едік.
Руханият • 30 Қазан, 2023
Бала табиғатын танып, бүлдіршіндердің жүрек лүпілін дөп басатын бірден-бір басылым болса ол, шүбәсіз – қазақ балалар әдебиетінің атасы атанған көрнекті қаламгер Мұзафар Әлімбаев негізін қалаған «Балдырған» журналы. Мұзағаңның есімімен егіз аталатын журналдың жарық көргеніне биыл 65 жыл толса, басылымды 30 жылға жуық басқарып, руханият көгіне алып шыққан Мұзафар Әлімбаевтың ғасыр тойы. Осыған орай, Алматыдағы ұлттық кітапханада «Мұзафар Әлімбаев және «Балдырған» журналы» атты ғылыми конференция өтіп, мазмұнды шара ән мен жыр асқақтаған рухани кешке ұласты.
Қоғам • 18 Қазан, 2023
Жайлы үй, жылы төсекте алаңсыз жатып, ымырт түссе, әр бұрышты сағалап пана іздеген қараусыз жанның кезбе ғұмыры туралы бір сәт ойланып көрдіңіз бе? Қоғамда сан қилы себеппен мұндай мүшкіл күйге түскендер аз емес. Бірі ерік-жігерін ішімдік пен есірткіге тәуелді етсе, бірі – туыстан таяныш таппай, ет жақындары теріс айналған тағдырлар.
Табиғат • 17 Қазан, 2023
Алатау алабы мен Жетісу жерін құландар ежелден мекен еткен деседі. Бұл аймақтардағы бірді-екілі орындардың құлан атауымен астасып жатуы тегін емес. Алайда өткен ғасырдың сексенінші жылдарына дейін құлансыз қалған құла дала жүздеген жылдар бойы құлазып жатты.
Руханият • 10 Қазан, 2023
Қазақтан шыққан тұңғыш кәсіби мұрағаттанушы Амантай Сатаев ұлт тарихын зерделей жүріп, бабалар ізін, халқының қасиет-қалыбын әдеби мұраларына да арқау етті. Бір басына сан түрлі санаткерлік тоғысқан тағылымды тұлға көзі тірі болса тоқсан жасқа толар еді. Көрнекті ғалым Тұрсынбек Кәкішев: «Архивтерде кездесе бермейтін маңызды мағлұматтар Амантайдан табылады», деп ағынан жарылған халқының аяулы перзенті жарына қалдырған бір өсиетінде: «Сен түңілме! Заман өзгереді, әлі-ақ зердесі ояу жастар келеді. Шаңын қағып алып барсаң менің жазғандарымның бәрі – қазақ халқын бір сатыға көтеретін дүниелер», деп толғаныпты. Амантай ағаның рухы сіңген киелі шаңыраққа ат басын бұрып, жары Гүлжан САТАЕВАМЕН әңгімелесіп қайттық.
Алматы • 18 Қыркүйек, 2023
Этносаралық үйлесімнің жаңа деңгейі
Алматыдағы Достық үйінде «Қоғамдық келісім және ұлттың әл-ауқаты: серіктестік, медиация және экономикалық белсенділік мүмкіндіктері» тақырыбында конференция өтті. Мемлекет басшысының «Әділетті Қазақстанның экономикалық бағдары» атты ел халқына Жолдауы аясында ұйымдастырылған іс-шараға Қазақстан халқы Ассамблеясы төрағасының орынбасары – Президент Әкімшілігінің Қазақстан халқы Ассамблеясы хатшылығының меңгерушісі Марат Әзілханов, Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, сондай-ақ сарапшы ғалымдар мен бизнес қоғамдастық өкілдері қатысты.
Құрылыс • 15 Қыркүйек, 2023
Ел аумағындағы ауқатты кәсіпкерлер мен белді құрылыс компаниялары Алматы қаласынан тұрғын үй кешендерін салуға айрықша құлшыныс танытып отыр. Дәл осы күні шаһардың 823 нүктесінде ауыр құрылыс нысандарының жұмысы қызқыз қайнап жатқан болса, оның 155-і біз айтып отырған тұрғын үй кешені. Сұранысқа сай құрылыстың қарқын алғаны жақсы-ақ, алайда сапаға салғырт қарайтын компаниялардың саны азаймай тұр.
Әскер • 19 Маусым, 2023
Мықты әскер – мемлекет тірегі. Ел тыныштығын қалтқысыз қадағалау – айбынды әскерге жүктелген жауапты міндет. Осы бір жауапты миссияның шетінде жүрген әр құрылымның өзіне тән ерекшелігі бар. Газетіміздің бүгінгі санында биыл құрылғанына 31 жыл толып отырған Қазақстан Республикасы Қарулы Күштеріне қарасты Әуе шабуылына қарсы қорғаныс әскерлерінің қолбасшысы, генерал-майор Нұртас Қабақовпен өрбіген әңгімемізді ұсынып отырмыз.
