Спорт • 17 Наурыз, 2025
Александр Бублик финалда ұтылды
Теннистен Қазақстанның бірінші ракеткасы Александр Бублик АҚШ-тың Финикс қаласында өткен Challenger турнирінің финалында ұтылды.
Спорт • 13 Наурыз, 2025
5 сәуірде Астанада өтетін кәсіпқой бокс кешінде Балауса Мұздиман да өнер көрсетеді. Осыған дейін алты кездесу өткізіп, барлығында басымдық танытып, бес қарсыласын нокаутқа жіберген Балауса америкалық Розалинда Родригеспен (14-0, 3 КО) күш сынасады. Жарыстың басты бәсекесінде WBO мен IBF нұсқаларының чемпиондық белбеуінің иегері Жәнібек Әлімханұлы Францияның өкілі Анауэль Нгамиссенгемен жұдырықтасады.
Спорт • 13 Наурыз, 2025
Әлем чемпионатына 10 спортшы аттанды
14 наурызда Бейжіңде шорт-тректен ерлер мен әйелдер арасындағы әлем чемпионаты басталады. Дүбірлі додада еліміздің намысын 10 өреніміз қорғайды.
Бокс • 13 Наурыз, 2025
Сербияның Ниш қаласында бокстан әйелдер арасындағы әлем чемпионаты өтіп жатыр. Елдос Сейдалин жетекшілік ететін еліміздің құрамасы аталған жарыста барлық 12 салмақ дәрежесінде өнер көрсетеді.
Теннис • 13 Наурыз, 2025
АҚШ-тың Индиан-Уэллс қаласында шымылдығы түрілген, жүлде қоры 9 693 540 долларды құрайтын аса ірі халықаралық турнирде өнер көрсеткен еліміздің төрт теннисшісінің үшеуі алғашқы айналымнан аса алмады.
Спорт • 12 Наурыз, 2025
Спорттық гимнастикадан Бакуде өткен әлем кубогінде еліміздің құрамасы үш жүлде олжалады. Еркін жаттығуда Милад Карими беларусьтік Егор Шармаковтан қалып қойып, күміс медальды иеленсе, брусьяда жапониялық Казуки Мацумиді алға жіберген Дмитрий Потанин дәл сол межеден көрінді. Зейнолла Ыдырысов ат жаттығуында қолаға қол созды. Тағы бір айта кетерлік жайт, қолда тіреп жаттығуында 49 жастағы Өзбекстанның өкілі Оксана Чусовитина алтыннан алқа тақты. Сөйтіп, сегіз Олимпиадаға қатысқан жер-жаһандағы жалғыз гимнасшы тағы бір рекордты жаңартты.
Спорт • 12 Наурыз, 2025
Норвегияның Тронхейм қаласында шаңғы спорты түрлерінен әлем чемпионаты аяқталды. Жер-жаһанның жүйріктері жиналған жарыста 25 жүлде жиынтығы сарапқа салынды.
Жекпе-жек • 12 Наурыз, 2025
Былтыр көктемде АҚШ-тың Лас-Вегас қаласында аса жеңіл салмақтағы Бекзат Алмахан UFC-дегі тұсаукесер кездесуін Умар Нурмагомедовке қарсы өткізді. Қарсыласы тым азулы болғанына қарамастан, қазақтың қайсар ұлының өнері жақсы әскер қалдырды. Қандасымыз Дағыстанның тумасына лайықты қарсылық көрсетіп қана қоймай, бірінші раундта оны сұлатып салуға шақ қалды.
Спорт • 07 Наурыз, 2025
25-30 наурызда АҚШ-тың Бостон қаласында мәнерлеп сырғанаудан әлем чемпионатының жалауы желбірейді. Байрақты бәсекеде еліміздің намысын Михаил Шайдоров пен Софья Самоделкина қорғайды. 20 жастағы алматылық Шайдоровтың жастар арасындағы әлем чемпионатының күміс, Азия ойындарының қола жүлдегері, «Төрт құрлық біріншілігінің» жеңімпазы деген атағы бар. 18 жастағы Мәскеудің тумасы Самоделкина биыл Дүниежүзілік студенттер ойынында қола медаль иеленді.
Спорт • 06 Наурыз, 2025
Софияда аяқталған «Bulgaria Open» халықаралық турнирін еліміздің таэквондошылар құрамасы 14 медальмен қорытындылады. Бас жүлдені Мақсат Орынбасар (74 кг) олжаласа, Нодира Ахмедова (49 кг), Әзірет Дүйсенбек (54 кг), Бектөре Оралханов (58 кг), Батырхан Төлеуғали (80 кг), Нұрлан Мырзабаев (87 кг) күміспен күптелді. Нұрай Бауыржанова (49 кг), Айдана Сүндетбай (53 кг), Артур Серік (54 кг), Нұрай Қазынабек (57 кг), Кәмила Аймұқашева (62 кг), Аманбол Бегімбетов (63 кг), Дамир Шүленов (68 кг), Мерген Ғаниев (80 кг) қолаға қол жеткізді.
