«Қайрат» ұпай жоғалтты, ал «Астана» көшбасшыға жақындай түсті

АСТАНА. 17 қазан. Бүгін футболдан Қазақстан премьер-лигасының 19-туры шеңберінде үш ойын ойналды. Чемпиондықтан басты үміткер «Қайрат» өз алаңында «Атыраумен» ұпай бөліссе, алматылықтардың негізгі бәсекелесі «Астана» Шымкенттің «Ордабасын» қабылдап, 2:1 есебімен жеңіске жетті. Бұл туралы egemen.kz хабарлады. Сонымен қатар, «Ақтөбе» үйде «Ертіспен» ойнап, 3:2 есебімен басым түсті. Әзірге турнир кестесінде 39 ұпаймен «Қайрат» көш бастап келеді. Ал 34 ұпайы бар «Астана» екінші орында тұр. Осы ретте, елордалықтардың бір ойыны кем екенін ескерте кетейік. Тур барысындағы қалған ойындар ертең ойналады. «Ақтөбе» (Ақтөбе) – «Ертіс» (Павлодар) 3:2 (0:0) Голдар: Маркос Пиззели 49, Данило 59, 90+3 – Самат Смақов 65 (пенальти), Константин Дудченко 69. «Астана» (Астана) – «Ордабасы» (Шымкент) 2:1 (1:0) Голдар: Рохер Каньяс 58 – Сергей Малый 19 (автогол), Еркебұлан Тұңғышбаев 71. «Қайрат» (Алматы) – «Атырау» (Атырау) 0:0 Еламан Қоңыр. Дерек: egemen.kz. Сурет: vk.com.