Пәкстан премьер-министрі Қазақстанға ресми сапармен келеді

АСТАНА. 25 тамыз. Мемлекет басшысының қатысуымен өтетін алдағы іс-шаралар аңдатпасы белгілі болды. Бұл туралы akorda.kz хабарлады. 26 тамызда Пәкстан Ислам Республикасының премьер-министрі Наваз Шариф Қазақстанға ресми сапармен келеді. Сапар барысында екіжақты келіссөздер өтіп, бірқатар құжатқа қол қойылмақ. 27 тамызда Нұрсұлтан Назарбаевтың ТМД елдері мен ШЫҰ-ға мүше мемлекеттердің бас прокурорларымен кездесуі жоспарланған. Қазақстан Президенті сондай-ақ осы күні МАГАТЭ бас директоры Ю.Аманоны және АҚШ-тың бұрынғы сенаторы С.Наннды қабылдайды. Ал 28 тамызда Елбасы Қазақстанға ресми сапармен келетін Сербия президенті Томислав Николичпен кездеседі. Сонымен қатар, осы күні Мемлекет басшысының ел Конституциясының 20 жылдығына арналған халықаралық конференцияға қатысуы жоспарлануда. Айдар Өрісбаев. Дерек, сурет: akorda.kz.