Енді буллингке немқұрайлы қарағандарға айыппұл салынады

1 мин

оқу үшін

Мемлекет басшысының тапсырмасына сәйкес елімізде балалардың құқықтарын қорғау мәселелеріне ерекше назар аударылып келеді. Енді елімізде буллинг фактілерін елемегендер 80 АЕК дейін айыппұл арқалайды, деп хабарлайды Egemen.kz.

Нұрболат АМАНБЕК

Енді буллингке немқұрайлы қарағандарға айыппұл салынады

Фото: istockphoto.com

Соңғы екі жылда бұл бағытта бақылау тетіктері едәуір күшейтілген. Тексерулер білім беру ұйымдары мен өңірлік білім басқармаларын қамтып, кейбір жағдайларда алдын ала ескертусіз жүргізілген. Мәселен өткен жылы 70 өңірлік ведомство мен бірқатар білім беру ұйымдары тексерілген.

Нәтижесінде 74 анықталған заңбұзушылықтарды жою мақсатында 16 лауазымды тұлға мен бір ата-ана әкімшілік жауапкершілікке тартылған. Сонымен қатар 5 маманға тәртіптік жаза қолданылған.

Оқу-ағарту министрі: Буллинг үшін директорды жұмыстан босату орынсыз

Ал 2026 жылғы наурыздан бастап Қазақстанда балалардың құқықтарын қорғау саласындағы заңбұзушылықтар үшін әкімшілік жауапкершілік енгізілді. Енді буллинг фактілерін елемеу, қажетті көмек көрсетпеу, мектепке бармайтын балаларды есепке алмау және тамақтандыруды ұйымдастырудағы олқылықтар үшін айыппұл қарастырылған.

Жаза мөлшері құқықбұзушылықтың ауырлығы мен қайталануына байланысты 30-дан 80 айлық есептік көрсеткішке дейін белгіленген.

Еске сала кетейік, бұған дейін Астанада 7-сынып оқушысы буллингті анықтайтын жүйе жасап шығарғанын жазған болатынбыз.