Arnapress.kz хабарлауынша, қайғылы оқиға 5 наурыз күні болған.
«Әскери техниканы пайдалану кезінде қауіпсіздік талаптарының бұзылуы салдарынан келісімшарт бойынша қызмет ететін әскери қызметші өмірімен үйлеспейтін жарақат алды. Осы факті бойынша сотқа дейінгі тергеу амалдары жүргізіліп жатыр. Оқиға орнында құзырлы органдардың өкілдері жұмыс істеп жатыр», деп хабарлады Абай өңірлік гарнизоны.
Қазақстан Қарулы Күштері Құрлық әскерлерінің қолбасшылығы мен жеке құрамы қаза болған әскери қызметшінің туған-туыстары мен жақындарына көңіл айтты.
Гарнизон өкілдері марқұмның отбасына белгіленген тәртіп бойынша қажетті қолдау көрсетілетінін жеткізді.
Еске сала кетейік, қаңтар айында Маңғыстау облысында келісімшарттағы әскери қызметші КамАЗ жүк көлігінің астына түсіп, қаза болған. Жол-көлік оқиғасы түнгі уақытта тайғақ жолда болған.
