Қарағандыда жанармай бекетіне қарулы шабуыл жасалды

ҚАРАҒАНДЫ. 13 тамыз. Қарағандыда тапаншамен қаруланған ер адам жанар-жағар май стансасына қарақшылық шабуыл жасаған. Бұл туралы облыстық ішкі істер депатаментінің баспасөз қызметі хабарлады. Қарақшылық шабуыл туралы полиция бөліміне жанар-жағар май бекетінің сатушысы хабарлаған. Оның айтуы бойынша, 25-30 жас шамасындағы белгісіз біреу тапаншамен қорқытып, қолына түскен мүлікті алып, «ВАЗ-2005» автокөлігімен оқиға болған жерден ізін суытқан. Көп ұзамай полиция қызметкерлері күдіктіні қолға түсірді. Оның автокөлігінің ішінен «ОСА» жарақаттандырғыш тапаншасы үш оғымен және қолды болған заттар табылды. Өзінің айыбын мойындаған күдікті қазіргі уақытта уақытша ұстау изоляторында отыр. Қылмыстық кодексінің 192-бабының 1-тармағы бойынша («Тонау») сотқа дейінгі тергеу амалдары жүргізіліп жатыр. Қайрат Әбілдинов. Дерек: Қарағанды облыстық ішкі істер депатаментінің баспасөз қызметі. Сурет: tengrinews.kz.