Бірден 4 бұзау туды

Естімеген елде көп. Тосын жаңалық жақында Байзақ ауда­нындағы Қостөбе ауылын­да орын алды. Осы ауылда тұ­ра­тын Тимур Дервиш пен Мей­рам­ Абдул­лазенің бағып отыр­ған ­сиыры бір күнде төрт бұзау туды. Бұған тек сиыр иелері ғана емес, бүкіл ауыл тұрғын­дары таңданыспен қарау­да. Істің мән-жайымен ауылдың ветеринар дәрігері Сембек Қаш­қын­баев та қанығыпты. Мал дәрі­герінің айтуынша, төл­дердің де, олардың енесінің де денсаулығында еш кінәрат жоқ. Біз төртем туған сиырдың иелерін әңгімеге тартқаны­мыз­да: «Осы өмірімде мұндай жағдайды бірінші мәрте кө­ріп тұрмын. Сиырымыздың төл­дейтін уақыты таяп қалған болатын. Алайда, бірден төртеуін бұзаулайды деп ойламаппыз. Алғашында екеу, араға минуттар салып үшінші, сосын төртіншісі дү­ниеге келді. Маусым айының басында туған бұзаулардың қазіргі таңда жағдайы жақсы. Ойнақтап секіріп жүр. Тәбеттері де жаман емес. Қайдан білейін, құдайдың қалауы шығар. Алайда, қай нәрсені болмасын жақсылыққа балайтынымыз бар ғой. Бұзаудың үшеуін тірідей таратып беріп жатырмын. Қалған біреуін өзім бағып-қағамын деп шештім», – дейді М.Абдуллазе. Бір мезетте бірнеше бұзау туған сиыр тек мұнысымен ғана емес, бір сауғанда 25 литр сүт беретіндігімен де ерек­шеле­не­ді екен. Айдана ҚАЙЫПНАЗАРҚЫЗЫ.