Фото: qaz-media.kz
Энергетика министрлігінің қағидаларына сәйкес барлық тұрмыстық тұтынушы үшін тауарлық газды тұтыну нормаларын жергілікті атқарушы органдар бекітеді.
Газ және газбен қамту саласындағы ұлттық операторға мемлекеттік бюджет қаражаты есебінен салынатын газ құбырларының құрылысына арналған жобалау тапсырмаларын келісу, сондай-ақ газбен қамту бойынша бюджет жобаларының құрылыс барысын бақылау функциялары жүктеледі.
Сонымен қатар, бюджет қаражаты есебінен салынған газ құбырларын әкімдіктер газ және газбен жабдықтау саласындағы ұлттық операторға тікелей береді.
Сондай-ақ еліміздегі газ құю стансаларында қауіпсіздік талаптарын күшейту көзделіп отыр.
Газбен қамту мәселелері бойынша мақұлданған түзетулер аясында жергілікті атқарушы органдарға автогаз құю стансаларының шекті санын белгілеу жөнінде өкілеттік беру жоспарланып отыр.
Сонымен қатар, заң жобасында газ құю бекеттерінде қауіпсіздік деңгейі арттырылады. Атап айтқанда, жаңадан ашылатын автогаз құю стансаларына ауқымды ыдыстарды жер астына орналастыруды міндеттеу, ал жұмыс істеп тұрған стансаларды 2031 жылғы 1 қаңтарға дейін осы ыдыстарды жер астына көшіруді міндеттейтін өтпелі кезең белгілеу ұсынылады.
Сондай-ақ, көлік құралдары мен тұрмыстық газ баллондарын заңнамада белгіленген орындардан тыс жерде толтыруға тыйым салынады.
