Мектеп • 06 Ақпан, 2026

Оқушылар киіз басып үйренді

70 рет
көрсетілді
1 мин
оқу үшін

Астана қаласындағы №119 мектеп – балалардың шығармашылығын қолдап, ұлттық өнерді білім беру үдерісіне жүйелі түрде енгізіп отырған оқу ордаларының бірі. Мұнда оқушылардың қабілетін ашуға бағытталған жобалар тұрақты түрде жүзеге асып келеді, деп жазады Egemen.kz.

Оқушылар киіз басып үйренді

Соның бірі – құрғақ киіз басу техникасына негізделген көркем жұмыс. Жобаға қатысқан оқушылар табиғи жүнмен жұмыс істеу арқылы тек қолөнер тәсілдерін меңгеріп қана қоймай, шыдамдылық пен ұқыптылықты, эстетикалық талғамды дамытты. Ұлттық мәдениетке сүйенген композицияда Қазақстанның сәулеттік нышандары, ұлттық рәміздер мен табиғат элементтері үйлесім тапқан.

Жоба барысында оқушылар құрғақ киіз басу техникасының қыр-сырын игеріп, қолөнер арқылы ұлттық құндылықтарды тереңірек таныды. Сонымен қатар шығармашылық ойлау қабілетін дамытып, ұжыммен бірлесе жұмыс істеудің маңызын сезінді. Әрбір жұмыс – оқушының ішкі әлемі мен жеке көзқарасының көрінісі ретінде қалыптасты.

киіз басу

Қолөнер сабақтары балалар үшін тек әсем бұйым жасау үдерісімен шектелмейді. Ол еңбекке, өнерге деген құрметті арттырып, өз ойын еркін жеткізуге, нәтижеге жауапкершілікпен қарауға үйретеді. Осындай ортада әр оқушы өз идеясын жүзеге асырып, шығармашылық еркіндікке ие болады.

Жобаны ұйымдастырып, бағыт-бағдар берген жоба жетекшісі, технология пәнінің мұғалімі Пернегүл Демеуова оқушылардың ұлттық өнерге қызығушылығын арттыруды басты мақсат еткенін атап өтті.

 
 
Соңғы жаңалықтар