Ұлттық компанияның мәліметінше, 2026 жылғы 1 ақпан сағат 08:00-дегі жағдай бойынша, Маңғыстау облысында ауа райының қолайсыздығына байланысты республикалық маңызы бар «Доссор – Құлсары – Бейнеу – Сай-Өтес – Шетпе – Жетібай – Ақтау» автожолының 632-718 шақырым аралығында (Шетпе ауылы – Жетібай ауылы учаскесі) автокөліктің барлық түрлері үшін қозғалысқа уақытша шектеу енгізілді.
Жолды ашудың болжамды уақыты – 2026 жылғы 1 ақпан, сағат 11:00.
Сондай-ақ Павлодар облысында «Астана – Шідерті – Павлодар – Успенка – Ресей Федерациясының шекарасы» автожолындағы көлік айрығының аралық құрылымындағы шеткі арқалықтардың зақымдалуына байланысты «Қалқаман» жол айрығы учаскесі жабылды. Атап айтқанда, Қалқаман кентіне кіреберіс пен Астана бағытына шығатын жол уақытша жабық.
