Фото: Қорғаныс министрлігі
Ардагерге Қорғаныс министрінің құттықтау хаты табысталды. Естелік сыйлықтар мен гүл шоқтары ұсынылды. Мерекелік дастарханда майдангер өзіне көрсетілген құрметке ризашылығын білдіріп, баршаға бейбіт өмір мен береке тілеп, батасын берді.
Ысқақ Құсайынов 1924 жылғы 14 қаңтарда Жетісу облысының Алакөл ауданына қарасты Көлбай ауылында дүниеге келген. 1942 жылы әскерге шақырылып, Қиыр Шығыс майданының Амур әскери флотилиясы құрамында қызмет еткен.
Қорғаныс ведомствосының мәліметінше, майдангер ІІ дәрежелі Отан соғысы, «Еңбек Қызыл Ту» ордендерімен, «Тынық мұхиты флотының ардагері», «Жуков», «Ерен еңбегі үшін» медальдарымен және «Әскери-теңіз флотының үздігі» төсбелгісімен марапатталған.
1947 жылы әскер қатарынан босатылған Ысқақ Әбілпейісұлы педагогикалық училищені тәмамдап, ұстаздық қызмет атқарған.
