Фото: beta.egov.kz
Викторияның айтуынша, бұл идея қалалық стадион аумағындағы ғимарат қабырғасын тапсырыспен бояп жүргенде келген.
«Сол сәтте «неге біздің Мәдениет үйімізді тоқаш түрінде жасап көрмеске?» деп ойладым. Балалар бұл ойды бірден қолдап, қуана-қуана пісіріп, бірге жинадық. Эскизді өзім жасағаныммен, бөлшектерін қамырдан қолмен қиып шықтым. Құрастыру оңай болды. Әдетте бірдеңе құлап немесе ұстамай қалатын, ал бұл жолы бәрі бірден шықты. Тек шатыры сәл сырғып кетті, оны глазурьмен тез бекіттік», деді Виктория.
Аспаз әрі суретші ретінде тәтті тоқаш пісірудің басты құпиясы жақсы күйдірілген қант дайындау екенін айтты.
Тоқаш үй пісіру мен құрастыру барысын Виктория үнемі видеоға түсіреді. Бұл жазбалар отбасының жеке мұрағатында сақталып, балаларымен бірге қайта-қайта қаралады. Биыл да дәстүр өзгерген жоқ.
«Видеоны өз парақшама жарияладым, кейін құрбым қалалық пабликті белгілеп көруге кеңес берді. Оларға видео қатты ұнады, бірлесіп жариялауды ұсынды. Кейін басқа пабликтер, оның ішінде қарағандылық парақшалар да бейнені бөлісуге рұқсат сұрады. Көбіне жылы пікірлер жазылады, оларды оқып, қуанамыз», деді Виктория.
Қалалық Мәдениет үйі бейнесіндегі тоқаш үйді құрастыру видеосы отбасы мұрағатының бір бөлшегі ғана емес, сонымен қатар жылы әрі есте қаларлық жаңа жылдық оқиғаға айналды.
