Тараптар саяси диалогты нығайту, сауда-экономикалық байланыстарды тереңдету, сондай-ақ мәдениет пен білім салаларындағы әріптестікті дамытуға басымдық берді. Экономикалық және инвестициялық жобаларды іске асыру, көлік-логистикалық ынтымақтастықты кеңейту екіжақты тауар айналымын ұлғайтып, іскерлік байланыстарды арттыратын маңызды бағыт ретінде атап өтілді.
Сонымен қатар, 2026 жылға арналған екіжақты іс-шаралар жоспары пысықталып, жоғары және биік деңгейдегі сапарларды ұйымдастыру мәселелері қаралды. Атап айтқанда, Хорватия Премьер-министрінің Астанаға сапары екіжақты қатынастардың дамуына қосымша серпін беретіні айтылды.
Кездесу қорытындысында дипломаттар Астана мен Загреб арасындағы мазмұнды диалогты жалғастырып, өзара тиімді ынтымақтастықты барлық бағытта одан әрі тереңдетуге дайын екендерін растады.
