Есірткі қылмысымен күрес тоқтамайды

Күдікті Петропавлдың шет жағында жасы­рыл­ған есірткі қой­масы бар екенін айтқан. Тексеру барысында ол жерден аса ірі көлемдегі психотроптық заттар табылды. Тәркіленген есірткінің жалпы салмағы 276 грамнан асты. Қылмыстық кодекстің 279-бабы 3-бөлігі бойынша мұн­дай қылмысқа 12 жылға дейін бас бостандығынан айыру жазасы қарастырылған.

Осындай жаза Петропавлдың тағы бір тұрғынына да берілуі мүмкін. Ол өзінің «Kia Cerato» авто­мобилімен Астанадан Петро­павлға есірткінің аса үлкен көлемін жеткізген деген күдікке ілінген. Оның машинасының жүк­салғышынан жалпы сал­мағы 608 грамм «мефедрон» (α-PvP) есірткісінің 4 орамасы табылған.

Астанадан келген бірі 18, е­кін­шісі 17 жастағы екі өрім­дей жастың бойынан тәртіп сақшылары изолентамен орал­ған, ұнтақ тәрізді зат салынған 3 түйіншекті тауып алды. Бұл жалпы салмағы 84 грамнан асатын «α-PvP» атауымен белгілі синтетикалық психотроптық зат­тар екенін сараптама анық­тады. Күдіктілерге де 7 жыл­дан 12 жылға дейін бас бостан­ды­ғы­нан айыру жазасы көздел­ген. Қазір аталған факті бойын­ша тергеу жүргізіліп жатыр. Жігіт қамауға алынды, ал оның серік­те­сі, 17 жастағы қызға «келу туралы міндеттеме» түрін­де­гі бұлтарт­­пау шарасы қол­даныл­ды.

Сондай-ақ есірткі қылмы­сына қарсы іс-қимыл басқар­ма­сы кейінгі кезде тұрғындар арасынан «жасырушы» бойынша қылмыстық істер сирек кездесе бастағанын айтады. Бұл жыл басынан бері облыста жүргізген алдын алу шараларының нәтижесі болса керек. Тәртіп сақшылары жыл басынан бері 56 «жасырушыны» ұстап, істерін сотқа жеткізген. Алайда 48 жастағы бір әйелдің «жасырушылар» қатарынан табылғаны өкініш ұялатады. Тәртіп сақшылары оның сөм­ке­сінен қызғылт түсті кристалл тәрізді зат салынған 15 түйін­шек тәркіледі. Ұсталған әйелдің көрсетуі бойынша бұған дейін жасырып кеткен «қал­талар» да анықталды. Тәр­кі­лен­ген синтетикалық пси­хотроптық заттың (α-PvP) жалпы салмағы 40 грамға жуық болды. Бұл шамамен 300 бір реттік дозаға тең. Аталған дерек бойынша қылмыстық іс қозғалып, күдікті қамауға алынды. Жедел ақпаратқа сәйкес, әйел есірткі таратумен тамыз айынан бері айналысқан. Әдетте «қалталаушылардың» көбі мұн­дай заңсыз әрекетпен үш айдан артық айналыса алмайды.

Жалпы есеп бойынша, жыл басынан бері облыс аумағында есірткі сату күдігімен 132 адам, соның ішінде 13 әйел ұсталды. Қазір полиция алдын алу жұ­мысының жаңа форматын ен­гізіп жатыр. Енді полиция есірт­кі қылмыстарының алдын алу кеңесінің мүшелерімен бірге ата-аналар комитеттерінің төра­ғаларын да кездесулерге шақы­ратын болды.

Солтүстік Қазақстан облысы