Фото: istockphoto.com
Қаржы нарығын реттеу және дамыту агенттігі жүргізген зерттеу нәтижесі бойынша, бүгінде әрбір үшінші азамат төлемді қолма-қол жасауды жөн көреді. Мамандардың болжамынша, келер жылы жаңа Салық кодексі күшіне енген соң, бұл үрдіс тіпті үдеуі мүмкін. Себебі «жаппай бақылау» принципі бойынша барлық қолма-қол операциялар мемлекеттік органдарға толық ашық болады.
«Қазір компаниялар қолма-қол ақша үшін арнайы жеңілдіктер ұсынып жатыр, алдағы уақытта бұл нарықта кең етек жаяды. Мысалы, құны 5 млн теңге тұратын тауарды қолма-қол сатып алсаңыз, сізге 10% жеңілдік ұсынуы мүмкін. 500 мың теңге үнемдеу кез келген адам үшін үлкен уәж. Мұндай ақша үшін банкоматқа дейін бару еш қиындық тудырмайды», деді «Ulagat Consulting Group» компаниясының директоры Марат Қайырленов.
Сонымен қатар сауалнама ел тұрғындарының қаржылық ахуалы әлі де күрделі екенін көрсетті. Респонденттердің 35%-ы тұрақты түрде ақша тапшылығын сезінсе, тағы сондай бөлігі шығындардың жоғарылығынан жинақ жасауға мүмкіндігі жоқ екенін айтқан. Тек үштен бір бөлігі ғана ай сайын белгілі бір соманы шетке ысырып қоя алады.
