Ведомство мәліметінше, «Маслодел» ЖШС-нің астық кептіргіш қондырғысында күнбағыс дәндері тұтанып, өрт сөндірушілер келген кезде нысан ашық жалынмен жанып жатқан.
Министрліктің хабарлауынша, қатты аязға қарамастан, ТЖМ өрт сөндіру бөлімшелері өртті сөндіру кезінде жоғары кәсібилік пен үйлесімді әрекетті көрсетті. Алғашқы минуттардан бастап жақын маңдағы өрт сөндіру су көздерінен үздіксіз су беру ұйымдастырылып, барлық өрт-техникалық жабдықтар тұрақты түрде жылытылып қолданылған. Өрт сөндірушілер ауыр жағдайда жұмыс істеді.
Жеке құрам үшін қосымша ауыстыратын жауынгерлік киім жеткізіліп, өртті сөндіруге қатысушыларды жылытуға арналған арнайы көлік ұйымдастырылған.
Өртті сөндіруге 47 құтқарушы мен 12 техника жұмылдырылды. Оқиға орнында жарықтандыру, тұрақты байланыс және күштерді басқару қамтамасыз етілді. Жедел әрі нақты әрекеттердің арқасында өрт қысқа мерзімде толықтай сөндірілді.
