Әлем • Бүгін, 11:18

Сиднейде лаңкестің қаруын тартып алған мұсылман кісіге 2 млн доллар табысталды

20 рет

көрсетілді

1 мин

оқу үшін

Сиднейдегі Бонди-Бач сауда орталығында болған лаңкестік әрекет кезінде батылдық танытып, қарулы қылмыскердің қолынан мылтықты тартып алған Әль-Ахмедке 2 533 585 доллар табысталды. Бұл қаражат бүкіл әлем бойынша мыңдаған адамның қолдауымен GoFundMe қоры арқылы жиналды, деп хабарлайды Egemen.kz.

Қырмызы ЖҰМАҒАЛИҚЫЗЫ

Сиднейде лаңкестің қаруын тартып алған мұсылман кісіге 2 млн доллар табысталды

Фото: PARANOIA.KZ

Оқиға 14 желтоқсан күні Сиднейдегі адамдар көп жиналған жағажай маңында болды. Ханука мерекесін тойлау кезінде екі лаңкес бейбіт тұрғындарға оқ жаудырған Осы сын сағатта 43 жастағы сириялық иммигрант Әль-Ахмед өз өмірін қатерге тігіп, қарулы лаңкестердің бірінің қолындағы қаруын тартып алған. Осы текетірес кезінде оның иығы мен денесіне оқ тиіп, ауыр жарақат алған.

Израиль Президенті Ицхак Герцог бұл оқиғаны еврей қауымына қарсы шабуыл деп атаған.

Осы оқиғадан кейін америкалық танымал блогер Закери Дереневски (mdmotivator) Car Hub Australia ұйымымен бірігіп, батырға қолдау көрсету мақсатында GoFundMe қоры арқылы қаражат жинау науқанын бастады. Қысқа уақыт ішінде 43 000-нан астам адам өз үлестерін қосқан. Арасында америкалық миллиардер Билл Акман сияқты ірі донорлар да болды.

Шабуыл жасағандардың бірі Сидней тұрғыны Навид Акрам болып шықты, оның үйінде тінту жүргізілген. Австралиялық БАҚ-тың жазуынша, үшінші күдікті өз еркімен берілген.

19 желтоқсан күні Әль-Ахмедке жиналған барлық сома – 2 533 585 доллар көлеміндегі чек салтанатты түрде табысталды. Қазіргі уақытта оған бірнеше ота жасалып, оңалту кезеңінен өтіп жатыр.