Фото: Sputnik / Владислав Воднев
Вице-министрдің сөзінше, елімізде ЖОО-ға грант негізінде түсуге мүмкіндік беретін білім сынағын трансформациялау 2027-2029 жылдары кезең-кезеңімен жүзеге асырылады.
«Биыл ҰБТ қазіргі форматта, ешқандай өзгеріссіз өткізіледі. Біз ҰБТ форматын жетілдіру мақсатында америкалық ETS компаниясымен бірлескен жұмысты бастадық. Трансформация кезең-кезеңімен жүзеге асырылады. 2027 жылдан бастап пилоттық режимде енгізіліп, одан кейін 2029 жылға дейін ауқымды түрде кеңейту жоспарланып отыр. Қазіргі уақытта формат бұрынғы күйінде қалады», деді Гүлзат Көбенова.
