Қалалық полиция департаментінің мәліметінше, өткен тәулікте тәртіп сақшылары масаң күйде көлік басқарған 6 жүргізушіні ұстаған. Одан бөлек мемлекеттік нөмірсіз жүрген 12 автокөлікті, сондай-ақ жалған нөмір қойылған 2 көлікті және өзге де бірқатар өрескел құқық бұзуды анықтаған.
— Жол қауіпсіздігі мәселелері жұмысымыздың басым бағыттарының бірі. Патрульдік экипаждар күшейтілген тәртіпте қызмет атқарып жатыр. Жол апатына тікелей әсер ететін өрескел заң бұзу бойынша бақылау айтарлықтай күшейтілді, — деді әкімшілік полиция басқармасы бастығының орынбасары Тимур Серікұлы.
Полиция қала тұрғындары мен қонақтарын жол қозғалысы ережелерін қатаң сақтауға шақырды.
