Зертхана мәліметінше, бомба F-35 жойғыш ұшағынан тасталып, барлық ұшу сынақтары толық сәтті өткен. Бұл сынақтар B61-12 түрлендірілген бомбасының қызмет мерзімін ұзарту жөніндегі көпжылдық бағдарламаның құрамдас бөлігі саналады. Аталған бағдарлама 2024 жылдың соңында аяқталып, бұйымның кемінде 20 жыл қауіпсіз пайдалану кепілдігі бекітілген.
Сынақ аясында бомбаға алғаш рет F-35 жойғыштарында тасымалдауға арналған алдын ала термиялық дайындық жүргізіліп, оның нақты операциялық және экологиялық талаптарға сәйкестігі расталды.
Sandia маманы Джеффри Бойдтың айтуынша, бұл ұшу сынақтары жобаның барлық қатысушылары жүргізген көпжылдық еңбектің қорытындысы болып отыр. Ал полигон басшысы Брайан Эдкинс сынақ барысындағы жоғары деңгейлі үйлестіру жұмыстары үш нысанды да қауіпсіз бағалауға мүмкіндік бергенін атап өтті.
Sandia зертханасының, Тонопа полигонының және АҚШ ӘӘК-нің бірлескен жұмысы F-35 ұшағының дәлдігі мен сенімділігін түрлі тапсырмаларды орындау кезінде кешенді түрде бағалауға жол ашады. Сынақ нәтижелері ұлттық қауіпсіздікті арттыруға бағытталған талдауларда пайдаланылмақ.
