Күдікті Дубайда ұсталды

Ер адам халықаралық іздеуде болған. Ол «Lenovo Қазақстан» компаниясының корпоративтік сату жөніндегі директорын қастандықпен өлтіруді ұйымдастырды деген күдікке ілінген.

ІІМ хабарлауынша, қылмысқа техника жеткізуге байланысты алынған қарыздық міндеттемелерді орындамау себеп болған.

«Былтыр күзде Алматы облысы аумағында күдіктінің тапсырысы бойынша екі қаскөй аталған кісіні өлтірген. Айта кетейік, бұған дейін қылмысты жүзеге асырушылар да қамауға алынған», деп хабарлады Ішкі істер министрлігі.