Фото: United world wrestling
Ұлттық олимпиадалық комитеттің мәліметінше, 70 келіде ел намысын қорғаған Нұрқожа Қайпанов финалға бір қадам жетпей тоқтады. Ол жартылай финалда моңғолиялық Тулга Тумур Очирдан жеңіліп қалды. Нәтижесінде Нұрқожа үшінші орын үшін өткен белдесуде молдовалық Василий Дьяконды жеңіп, қола медаль қанжығалады.
61 келіде Асылжан Есенгелді де үшінші орынға табан тіреді. Асылжан қола жүлде үшін өткен кездесуде америкалық Джексон Форрестен басым түсті.
Осылайша, Қазақстан құрамасы әлем чемпионатын екі қола медальмен аяқтады. Ал Камиль Қуруглиев (92 келіге дейін) бесінші орынға тұрақтады.
Команда көшбасшыларының бірі Ризабек Айтмұхан әлем чемпионатының алғашқы айналымынан аса алмады. Ол бірінші белдесуінде ресейлік балуанға есе жіберді.
