Фото: wikipedia (Malik Nursultan B)
Қ.Ақсақалов өңірлік жұмыспен қамту картасы аясында кемінде 43 мың азаматты жұмысқа орналастыру жоспарланып отырғанын атап өтті, оның ішінде 22 мыңнан астамы жұмыспен қамту бойынша жәрдем алған.
«Биыл облыста кемінде 20 мың жұмыс орнын ашу көзделген, оның ішінде қазіргі уақытта шамамен 9 мың жұмыс орны ашылды. Жылдың аяғына дейін жоспарлы көрсеткіштер орындалатын болады», деді аймақ басшысы.
Сонымен қатар, облыста 164 мыңнан астам адамды жұмыспен қамтып отырған 68 мың шағын және орта бизнес субъектілері бар. Бұл облыстың барлық экономикалық белсенді халқының үштен бірінен астамын құрайды. 2024 жылмен салыстырғанда шағын және орта бизнес кәсіпорындарында жұмыспен қамтылғандар саны 3,2%-ға немесе 5 мың адамға артқан. Өсім, оның ішінде кәсіпкерлікті мемлекеттік қолдаудың қолданыстағы шаралары есебінен қамтамасыз етілген.
