Фото:depositphotos.com
Бұл бастама Ақмола облысының прокуратурасының хабарлауынша, қоғамдық тәртіпті нығайту және құқық бұзушылықтың алдын алу бойынша жұмыстар жүргізіліп, Қосшы қаласы мен Тайтөбе ауылындағы шағын бизнес өкілдері азаматтық ұстанымының оң үлгісін көрсетіп, бірқатар дүкендер мен сауда нүктелері алкогольдік өнімдерді сатудан бас тартқан.
Кәсіпкерлердің бұл бастамасын прокуратура мен жергілікті атқарушы органдар қолдады. Қала прокуратурасы дүкен иелеріне ризашылықтарын білдіріп, алғыс хаттар мен естелік сыйлықтар табыстап, мұндай шешімнің қоғамдық қауіпсіздік үшін маңыздылығын ерекше атап өтті.
