Жаңа тәртіпке сәйкес, азаматтың жеке деректеріне, банк шарттарының өзгеруіне немесе жаңа шот ашуға қатысты кез келген өзгеріс автоматты түрде Ұлттық банкке беріледі. Сонымен қатар барлық қаражат аудару, түсімдер, қолма-қол ақша шешу сияқты барлық қозғалыстар реттеуші органға ұсынылады.
Ресми мәлімет бойынша ақпараттар жеке деректер көрсетілмей, жалпы сипатта беріледі. Алайда қажет болған жағдайда, әсіресе тергеу жүргізу барысында, мемлекеттік органдар, соның ішінде Қаржылық мониторинг агенттігі (ҚМА), азаматтардың жеке сәйкестендіру нөмірі мен ұйымдардың бизнес сәйкестендіру нөмірін ала алады.
