Екібастұз қаласына қарасты Солнечный кентіндегі «Шандақсор» жасанды көлінде 4 шілде күні сағат 16.10 шамасында 2009 жылы туған ер бала суға батып кеткен.
- Бала тыйым салынған жерде суға түскен. Қазіргі уақытта іздеу бойынша жұмыстар жалғасуда. Іздеу іс-шараларына Павлодар облысы төтенше жағдайлар департаментінің Жедел-құтқару жасағының күштері - 6 қызметкер, 2 бірлік техника, 2 жүзу құралы, сондай-ақ эхолот тартылды. Қолайсыз ауа райы, атап айтқанда екпінді жел мен көл бетіндегі үлкен толқындар көп қиындық тудырып тұр.Соған қарамастан сүңгуірлер жұмыстарын жалғастыруда,-деп хабарлады өңірлік төтенше жағдайлар департаментінің баспасөз қызметінен.
Төтенше жағдай қызметінің мамандары жабдықталмаған жерлерде шомылу өте қауіпті екенін ескертеді. Судағы қауіпсіздік ережелерін сақтау – адам өмірі мен денсаулықты сақтаудың кепілі.
