Фото: Ақорда
Қазақстаннан жіберілетін киіктер Қытайдың батыс бөлігінде жерсіндіріліп, сол аймақтағы экожүйенің байырғы мүшесін қайта тірілтуге үлес қосады. Қытай Халық Республикасының Төрағасы Си Цзиньпин аталған бастама үшін Қазақстан тарабына ризашылығын білдіріп, ақбөкендердің санын арттыруға бағытталған кешенді шаралар қолға алынатынын мәлімдеді.
Айта кетейік, соңғы жылдары Қазақстанда ақбөкен популяциясы айтарлықтай көбейген. Қабылданған экологиялық шаралар мен табиғатты қорғау саясатының нәтижесінде киіктер саны қалпына келіп, халықаралық деңгейде табиғатты сақтау бастамаларына серпін беріп отыр.
