Фото: baldauren.kz
Орталық жұмыс істеген жылдар ішінде «Балдәурен» республикалық оқу-сауықтыру орталығында әлемнің 15 елінен келген балалар демалған. Кейінгі үш жылдың өзінде «Балдәурен» ТМД елдерінен, Қытай, Түркия, Моңғолия және басқа да мемлекеттерден келген 700-ден астам шетелдік баланы қабылдаған.
Орталық 3 маусымда Қазақстанға демалыс пен оңалтудан өту үшін Украинадан балалар тобы келгенін хабарлады. Олар үшін біздің еліміз туралы танымын кеңейтуге бағытталған бірқатар іс-шаралар жоспарланған. Атап айтқанда, балалар «Бурабай» мемлекеттік ұлттық табиғи паркіне экскурсия жасап, Астана қаласындағы көрнекті орындарға саяхаттайды.
Мұндай сапарлар балалардың ой-өрісін кеңейтіп қана қоймай, мәдениетаралық түсіністік пен өзара құрметті қалыптастыруға, халықтар арасындағы достықты нығайтуға ықпал етеді.
