Фото: Ғылым және жоғары біілім министрлігі
Бес пән бойынша орташа балл 61-ді құраған. Ең жоғары нәтижені Түркістан облысынан Әбілхан Жәнібек көрсетіп отыр. Ол ең жоғарғы көрсеткішке ие болып, 140 балл жинаған еді.
Тестілеуге қатысуға 216 мың талапкерден 399 мыңға жуық өтініш түсіп, басым бөлігі, нақты атағанда, 20%-ы «Математика-Физика», 17%-ы «Шығармашылық емтихан» пәндер комбинациясын тапсырған, 11%-ы «Биология-Химия» комбинациясын таңдаған.
Айта кетелік, ерекше білім беру қажеттіліктері бар оқуға түсушілер үшін қолайлы жағдай жасау нәтижесінде ҰБТ-ға 163 талапкер қатысқан.
Ғылым және жоғары білім министрлігінің баспасөз қызметінің мәлімдеуінше ҰБТ басталған алғашқы аптада 55 ереже бұзу фактісі анықталған. 26 талапкер смартфон, шпаргалка алып кірмек болғаны үшін тестілеуден шеттетілсе, тағы 29 адам тестілеу кезінде ереже бұзғаны үшін аудиториядан шығарылып, нәтижелері жойылған.
Еске салайық, 2025 жылғы ҰБТ аяқталғаннан кейін 31 қазанға дейін бейнежазбаларға талдау жүргізіледі. Тыйым салынған заттарды пайдалану немесе ереже бұзу фактілері анықталған жағдайда ҰБТ нәтижелері бірден жойылады.
