Лавров CBS News арнасына берген сұхбатында: «АҚШ президенті біздің бағыттың дұрыстығына сенеді, оны білемін. Біз келіссөзді жүзеге асыруға дайынбыз. Алайда ескеретін кілтипандар және бар. Оны реттеу керек. Қазір біз сонымен айналысып жатырмыз», деді ол.
Сондай-ақ сыртқы істер министрі Дональд Трамптың Украинада дағдарысының түпкі себебін жою қажеттілігін жете түсінетін әлемдегі жалғыз басшы екенін жеткізді.
Кеше Лондонда АҚШ, Еуропа және Украина делегациялары арасында қақтығысты реттеу бойынша келіссөздер өтеді деп жоспарланған болатын.
Washington Post басылымының мәліметі бойынша, АҚШ өзінің еуропалық одақтастарымен және Украинамен келіссөздер жүргізу барысында Қырымды Ресейдің құрамында деп тануды ұсынуды жоспарлаған. Яғни, АҚШ тарапынан Украина мен Еуропа елдеріне Қырымды Ресейдің территориясы ретінде мойындау туралы ұсыныс жасалмақ болған.
Ал Киевтің одақтастары, яғни Украина мен оның батыс елдеріндегі серіктестері, бұл ұсынысқа қарсы болған. Олар бұл жағдайдың орнына Украинаға қауіпсіздік кепілдіктерін беруді талап еткен. Қауіпсіздік кепілдіктері дегеніміз — Украинаға халықаралық деңгейде қорғаныс қамтамасыз ету, оның ішінде НАТО немесе басқа елдер тарапынан әскери қолдау көрсету. Олар негізінен Украина аумағының тұтастығын қорғауға бағытталған халықаралық заңдар мен келісімдер аясында, Қырым мәселесін кейінге қалдырып, Украинаға қауіпсіздік шараларын нығайтуды ұсынған.
Бірақ АҚШ-тың Мемлекеттік хатшысы Марко Рубио мен Трамптың арнайы өкілі Стив Уиткофф келіссөздерге барудан бас тартты. Бұған қоса Ұлыбритания, Франция және Германияның сыртқы істер министрлері де кездесуге қатысудан шет қалды. Нәтижесінде, кездесулер жоғарғы деңгейде өтпеді. Washington Post басылымы хабарлағандай, келіссөздердің сәтсіздігіне Вашингтонның Киевтің аумақтық ұстанымдардан бас тартуды қабылдамай, алдымен атысты тоқтату мәселесін талқылауды талап етуі себеп болған.
