Ер адам ұрылармен бірге туысының пәтерін тонаған

Жедел іс-шаралар барысында полиция қызметкерлері төрт күдіктіні анықтап, ұстады. Олардың арасында жәбірленушінің туысы бар екені белгілі болды. Күдікті сыбайластарына туысының үйінде қолма-қол қомақты қаржы бар екенін айтып, көмек көрсеткен. 

Ішкі істер министрлігінің мәліметінше, олар ұрлаған қаржыны өз қажеттіліктеріне жұмсап, несиелерін төлеген. Қалған соманы ойын-сауыққа жойған. 

Ұсталғандар уақытша ұстау изоляторына қамалған. Сотқа дейінгі тергеп-тексеру жүргізіліп жатыр.