Академиялық білімі бар офицерлер республика Қарулы Күштері корпусы құрамын толықтырды

Кеше Қазақстан Республика­сының Тұңғыш ­Прези­денті – Елбасы атындағы Ұлттық қорғаныс университеті офицер­лері­нің салтанатты бітіру рәсімі өтті. Республика Қарулы Күштерінің 102 түлек офицері Жауынгерлік Ту әкелінген университет алаңына сапқа тізілді. «Офицер мырзалар, сіз­дер­ді Қазақстан Респуб­ликасының Тұңғыш Прези­ден­ті – Елбасы атындағы Ұлттық қорғаныс университетін сәтті бітіруле­рі­ңізбен шын жүректен құттық­таймын. Әрқайсымыз және барша ел үшін бұл, сөзсіз, атаулы күн. Себебі, сіздер заманауи тұрғыда сапалы білім алған жоғары әскери оқу орнының қабырғасынан түлеп шыққан офицерлерсіздер» – деп Қорғаныс министрі Иман­ғали Тасмағамбетов әскери қызметшілерді құттықтады. «Бүгінгі күн – мен үшін өте қуа­­нышты және атаулы күн. Өйт­кені, мен кадрлық әскери қызметші бо­лып табыламын, бұл менің екін­ші әскери білімім, әскери ман­са­­­бымның қисынды жалғасы. Оқу менің дүниетанымымды ке­ңейтті. Базалық білімімді молайттым. Мұндағы әлеует анағұрлым кең, білім беру – өте терең. Уни­­вер­ситеттің профессорлық-оқы­­ту­­­шы­лар құрамына алғысымды біл­­дір­­гім келеді», деді Ұлттық қорға­ныс университетінің түлегі, под­пол­ковник Ораз Күшіков. «Бізге Америкадағы Алабама штатының Монтгомери қаласында орналасқан Әскери-әуе акаде­мия­сын көру мүмкіндігі болды. Сол жерде олардың дайындығы мен оқып-үйренуін зерделедік. Бізді жоғары кәсіби мамандар ретінде дайын­даған университеттің про­фес­сорлық-оқытушылар құра­мына алғысымды білдіргім келеді», – деді келесі бір түлек, под­полковник Талғат Қалабаев. Бас штаб факультетінің түлек­те­­­рімен қатар, кеше мұнда Ұлт­тық ұлан, Шекара қызметі және Арнайы даярлық факуль­тет­терінің офицерлері түлеп шықты. Арман­даған дипломдарын уни­верси­теттің барлық 18 кафе­драсы­ның тыңдаушылары алды, деп хабарлады Қорғаныс министр­лігінің баспасөз қызметі.