- Үйлестірілген қызмет және 2024 жылдың өткен кезеңінде шетелдік юрисдикциялардағы халықаралық әріптестермен тығыз өзара іс – қимыл нәтижесінде Германия, Ресей, Қырғызстан және Өзбекстан сияқты мемлекеттердің аумағында 15 қылмыскер анықталды және ұсталды, – деді департаментте.
Полиция тергеу органдарына жасырын адамдардың мемлекеттік, банктік, медициналық, көлік қызметтерін алғаны туралы дер кезінде сигнал беретін мемлекеттік мекемелер мен мемлекеттік емес ұйымдардың ақпараттық жүйелерін іздестіру жұмысына қолданылатын цифрлық технологияларды кеңінен енгізудің және барынша интеграциялаудың маңыздылығын атап өтті.
«Заң және тәртіп» қағидаты ішкі істер органдарының қызметінің негізі болып қала береді және жедел бөлімшелер өкілдерінің үйлесімді және кәсіби жұмысының арқасында қашқындардың көп бөлігі табылады. Нәтижесінде, жазаның бұлтартпастығы қағидаты бойынша, қылмыс жасағаны үшін қашқындар сот алдында жауап береді.
