Қостанайда бір жарым жасар сәби спирттік ішімдікке уланып қалды

ҚОСТАНАЙ. 16 маусым. Қарабалық ауданындағы Силантьев селосында бір жарым жасар бала спирттік ішімдікке уланып қалды. Бұл туралы alau.kz сайтына сілтеме жасай отырып, egemen.kz тлшісі хабарлады. Аудандық ауруханаға бала ес-түссіз жеткізілді. Оған дәрі тамызғышпен дәрі салғаннан кейін ғана есін жиды. Сәбидің анасы: «Бұл отбасындағы үшніші баламыз. Сондай тынышсыз, бір орнында отырмайды. Мен түскі тамақты дайындап жатқанмын, әкесі атамызбен аулада отырған. Бала бір сәтке назардан тыс қалып қойған. Бір уақытта қарасым бала қолына шараптың шөлмегін ұстап, гараждан шығып келе жатыр екен. Мен дереу ұмтылдым, шыны айтсам, не істерімді білмей абдырап қалдым», деді. Ата-анасы баланы орап жатқызады, ұйықтады деп ойлайды. Бірақ баланың жағдайы нашарлаған соң, олар ауылдағы медицина қызметкерін шақырып, жедел ауруханаға жеткізеді.  Қазір баланың жағдайы жақсарды, бірақ  қолқасына суық тиген баланы педиатр дәрігер емдеу керек деп шешті. Нәзира Жәрімбетова. Дерек, сурет: alau.kz