Фото: Ашық дереккөз
Тұтқындау кезінде Илир Мета қарсылық көрсетпек болған. Ұстау фактісін оның адвокаты растаған.Ол бұған дейін байлығын жасырды және ақшаны жылыстатты деген күдікпен тергеуде болған.
Айта кетейік, 55 жастағы Илир Мета Албанияның солшыл Бостандық партиясының жетекшісі және 2017-2022 жылдар аралығында ел президенті болды. Ол «клептократиялық режим орнатты» деп айыптайтын премьер-министр Эди Раманың ашық қарсыласы.
Еске сала кетейік, Албанияның Демократиялық партиясының басшысы Сали Бериша да өткен жылдың желтоқсан айынан бері сыбайлас жемқорлыққа қатысы бар деген күдікпен үйқамақта отыр. Оппозиция Раманы қарсыластарын саяси астарлы қудалады деп айыптайды. Ал, Премьер-министр мұны жоққа шығарған.
