Аталған концертте «Қыз Жібек» операсындағы Шегенің ариясы, «Біржан - Сара» айтысынан үзінді, Чайковский, Вивалди секілді әлемдік композиторлардың шабытқа толы шығармалары орындалды. Сондай-ақ флейта мен скрипкаға арналған сырлы музыкаға да кезек берілді.
«Астана Опера» театрының дирижері Абзал Мұхитдин ұжымның алдағы жоспарын бөлісті.
«Кез келген ұжым үшін гастрольдік сапар маңызды және қажет іс-шара деп ойлаймын. Біріншіден, бұл өз өнерін көрсету. Екіншіден, тәжірибе алмасу. Мысалы, алдағы желтоқсан айында жергілікті театр Пуччинидің Тюссан операсын қоймақ. Біздің бас хормейстеріміз, еліміздің еңбек сіңірген қайраткері Ержан Дәуітов осы опера хақында шеберлік сағатын өткізді», дейді ол.
