Петропавлда алаяқ ұсталды

ПЕТРОПАВЛ. 27 қаңтар. Петропавлда адамдардың сеніміне кірмек болған алаяқтың қолға түсуіне банктердің шағымы негіз болды. Бұл туралы Солтүстік Қазақстан облыстық ішкі істер департаментінің баспасөз қызметі хабарлады. Петропавлдық 28 жастағы тұрғын ғаламтор қызметін пайдаланушыларға қисапсыз хат жолдап, белгілі кестелерді толтыруын өтініп отырған. Осылайша, жеке адамдардың құпия кодтарын, парольдерін, несие карталарын біліп алған. Банктердің дер кезінде дабыл қағуының арқасында криминалдық полиция қызметкерлері оның ізіне түсіп, қолға түсірді. Тергеу барысында ешқайда кетпеу жөнінде қолхат берген оның екі банктің атынан әрекет етіп, бөгде адамдардың несие карталарын пайдалану арқылы коммуналдық төлемдер мен телефон шығындарын өтеп алғаны анықталды. Өмір Есқали. Дерек: Солтүстік Қазақстан облыстық ішкі істер департаментінің баспасөз қызметі. Сурет: delta.ru.