Алматы облыстық әкімдігінің аппарат басшысы тағайындалды

АСТАНА. 26 қаңтар. Алматы өңірінің басшысы Амандық Баталовтың өкімімен Дүйсембінов Сұлтан Мырзабекұлы облыс әкімдігі аппаратының басшысы болып тағайындалды. Бұл туралы zhetysu-gov.kz хабарлады. С.Дүйсембінов 1959 жылы туған. Алматы сәулет-құрылыс институтын және Қазақ мемлекеттік экономикалық университетін бітірген. Мамандығы – инженер құрылысшы, экономист. Еңбек жолын «Казколхозспецстрой» тресі №2 жылжымалы механикаландырылған колоннасының шебері болып бастады. Әр жылдары ауданаралық сауда базасының прорабы және директордың орынбасары, сауда-құрылыс кәсіпорнының директоры, облыстық экономикалық келісімді реттеу қоры директорының орынбасары, Ескелді ауданы әкімінің орынбасары, бірінші орынбасары, әкімі қызметтерін атқарған. 2011 жылдан осы тағайындауға дейін Қаратал ауданын басқарып келді. Жолдыбай Базар. Дерек, сурет: zhetysu-gov.kz.