Петропавлда жаңа базарлар салынады

ПЕТРОПАВЛ. 26 қаңтар. Петропавл қаласыындағы бірнеше көтерме-сауда орталықтары жаңартылып, жаңа жұмыс орындары пайда болады. Осы бағыттағы жұмыстарды ұйымдастыру жайымен танысқан аймақ басшысы Ерік Сұлтанов осылай мәлімдеді. Бұл туралы облыстық әкімдіктің баспасөз орталығы хабарлады. Көтерме-сауда орталығы базарының директоры Александр Фоминның айтуынша, қала тұрғындарына қолжетімді қызмет көрсетіп келе жатқан базардың қазіргі жағдайы сын көтермейді. Сол себепті оны қайтадан қалпына келтіру шаралары қолға алынып отыр. Осыған орай алдағы уақытта көтерме-сауда орталығын жаңа жерге көшіру жоспарланған. Жалпы алаңы 12 мың шаршы метрді құрайтын жаңа сауда орны Астана-Зауыт көшелерінің қиылысына орналасатын болады. Оның құрылысы биыл басталып, бір жыл ішінде пайдалануға беріледі. «Солтүстік «әлеуметтік-кәсіпкерлік корпорациясы АҚ-ның қаржылық қолдауына ие болдып отырған көтерме-сауда базарында да жаңғырту жұмыстары қызу қарқын алған. Өмір Есқали. Дерек: Солтүстік Қазақстан облысәкімдігінің баспасөз қызметі. Сурет: turbina.ru.