Жаңа заңда жеңілдіктер көп

Баршамызға мәлім болғандай, үстіміздегі жылдың 1 қаңтарынан бастап бастап қолданысқа жаңа Қазақстан Республикасы «Әкімшілік құқық бұзушылық туралы» Кодексі енгізілді. Жаңа Кодекстің 811-бабының 1-бөлігіне сәйкес, әкімшілік құқық бұзушылық табылған және оны жасаған тұлға анықталған кезде, лауазымды адам әкімшілік құқық бұзушылық туралы хаттаманы оның жасалу орнында түзеді және тұлғаға көрсетілген айыппұл сомасының елу пайызын жеті тәулік ішінде төлеу құқығын түсіндіреді. Лауазымды адам тұлғаға әкімшілік құқық бұзушылық туралы хаттаманың көшірмесін қатаң қаржылық есептілік құжаты болып табылатын, белгіленген үлгідегі түбіртекпен бірге тапсырады. Осы Кодекстің 811-бабының 2-бөлігіне сәйкес, көрсетілген айыппұл сомасының елу пайыз мөлшері жеті тәулік ішінде төленген жағдайда, іс мәні бойынша қаралды деп есептеледі. Бұл дегеніміз, егер құқық бұзушы өзінің заңсыз әрекетін мойындап, көзделген айыппұл соммасының елу пайызын төлеген жағдайда, әкімшілік хаттама толтыруға құқылы лауазымды тұлға хаттаманың көшірмесін және қаржылық есептік құжатты (түбіртек) құқық бұзушыға тапсыра отырып, сол мезетте әкімшілік істі аяқтайды. Демек, жаңа заң талабына сәйкес, әр бір азаматқа жасалған құқық бұзушылығын мойындаған жайғдайда Кодексте көзделген айыппұл соммасынан елу пайызға аз мөлшерде айыппұл төлеуге жеңілдік берілген. Эльвира Пернебек, Қызылорда қаласы прокурорының аға көмекшісі. Сурет: egemen.kz.