Қостанайда бір түнде 7 көлік ұрланды

ҚОСТАНАЙ. 23 қаңтар. Қостанай қаласында бір түнде 7 көлікті ұрлап кеткен. Бұл туралы egemen.kz тілшісі хабарлады. Қостанайда жыл басынан бергі бір айға толмайтын уақыттың ішінде 18 жеңіл көлік ұрланған. Әсіресе, 16қаңтардан 17 қаңтарға қараған түні бірден7 көлік қолды болған. Ұрылар ВАЗ маркалы автомобильдерді алып кетіп отырған. Көліктердің ұрлануы жұртшылықты алаңдатып отыр. Облыстық ішкі істер департаменті баспасөз қызметінің жетекшісі Әділбек Нұрмахин: «18 ұрлықтың ізі суымай тұрып 11-і ашылды. Жеңіл көліктер аулаларда ұзақ тұрып қалады. Олардың көбісінің қорғаныс сигналдары жоқ. Ұрылар да осындай көліктерді ториды» дейді. Облыста осы мәселенің маңыздылығына орай жедел іздестіру тобы құрылды. Оған криминалдық полиция, әкімшілік және жол полициясы мамандары кірді. Топ дерек іске кірісіп кетті. Нәзира Жәрімбетова. Дерек, сурет: egemen.kz.