Тұрақтылық пен даму үшін

Біз бүгін осы сайлау­да еліміздің болашағы, тұрақтылығы және мем­лекетіміздің әрі қа­рай дамуы үшін дауыс беруге келдік. Біз, қазақ­стандықтар, елдегі  тұрақ­тылық пен əл-ауқатты қамтамасыз етіп отырған саяси бағыттың əрі қарай жалғасуын қалаймыз. Бүгін біздің əр­қайсысымыз елдің одан әрі нық дамуына өз үлесімізді қосатын боламыз. Қазір әлем экономикасының күрделі жағдайды бастан кешіп отырғанын есепке алатын болсақ, осы қазіргі күннің маңызды екенін түйсіне түсеміз. Сондықтан біз жетістік пен орнықты дамуды қамтамасыз еткен стратегиямызға, бола­шағымызға сенеміз. Ал біздің Ұлттық банк – қаржы реттеушісі ретінде елдегі қаржы секторының орнықты дамуына қатысты аса ірі жұмысты ойдағыдай жү­зеге асырып келеді. Ин­фляция деңгейін 6-5% шамасында сақтау үшін арнайы іс-шараларды жүргізіп жатырмыз. Қазір Ұлттық банктің алтын-валюта қоры артып келеді. Міне, біздің елде жүргізіліп отырған және осы сайлаудан кейін жүргізілетін сая­сат осы шаралардың барлығының жүзеге асуына кепілдік береді. Қайрат КЕЛІМБЕТОВ, Ұлттық банк Төрағасы.