Елорда • 14 Маусым, 2024

Астана әуежайында түнгі рейстер саны артады

67 рет
көрсетілді
1 мин
оқу үшін

Жаз айларында Астана әуежайы жолаушыларға ыңғайлы болу үшін пайдалану ережелерін ұзартып, жыл соңына дейін енгізілген техникалық үзілістерді қысқартады, деп хабарлайды Egemen.kz ҚГА баспасөз қызметіне сілтеме жасап. 

Астана әуежайында түнгі рейстер саны артады

Фото: astana-akshamy.kz

Ведомствоның мәліметінше, түнгі рейстер саны бүгіннен бастап көбейеді.

«Әуе тасымалдаушыларының сұранысы негізінде әуежайды басқарушы компанияның техникалық мамандарының жобалық тобы аэродромдағы жөндеу процесін оңтайландырды. Жазда әуе тасымалына маусымдық сұраныстың жоғары болуына байланысты жолаушыларға ыңғайлы болу үшін әуежайдың жұмыс тәртібі 14 маусымнан бастап күнделікті технологиялық үзіліспен (23:00-ден 00:30-ға дейін) ұзартылды», делінген баспасөз қызметінің хабарламасында. 

Жұмыстарды жүргізу кезінде әуежай ұшу-қону жолағының жұмысқа қабілеттілігін қамтамасыз етеді. Бұдан соң аэродром жабынының басқа учаскелерінде жөндеу жұмыстары жалғасады. Ішкі рейстер кестесі тез арада қайта қаралып, танымал бағыттарға қосымша рейстер қамтамасыз етіледі.