Сатпаев атындағы арнадан Шідерті-Өлеңті алқабына су жіберілді

ПАВЛОДАР. 25 сәуір. Павлодар облысындағы Екібастұз өңірінің Бозайғыр, Басентейін, Өмірзақ, Көктөбе, Тоқкөл, Қалдыкөл, Ашыкөл, Шығанақ көлдері енді суға толады.  Бұл туралы egemen.kz тілшісі хабарлады. Ақтоғай ауданының  21,0 мың гектарға жуық шабындық жерлеріне су келеді. Екібастұздың Ақкөл ауылының 7003 гектар,  қала аумағына - 5555 гектар, Сарықамыстың 3046 гектар шабындық жеріне су жайылады. Ақтоғай ауданы, Басқамыс ауылың 2028 гектар, Жалаулы ауылының - 1894 гектар, Жолболдының 1510 гектар аумағына су жіберілді.  Табиғат қорғау мақсатындағы су босату осы жылдың мамыр айының соңына дейін жүргізіледі. Жалпы алғанда, су арнасы арқылы 100,0 млн. м3 босатылады. Шідерті өзеніне су босату мониторингі мен жоғарыда аталған жұмыстарды орындалуын мердігер ұйым бақылайды. Фарида Бықай. Дерек, сурет: egemen.kz