Қостанайда әкімдердің есеп беруі басталды

ҚОСТАНАЙ. 16 қаңтар. Қостанай облысында әкімдердің есеп беруі басталды. Бұл туралы egemen.kz тілшісі хабарлады. Ауылдық, сеолық округтер әкімдерінің тұрғындарымен кездесуі қаңтардың 14-нен басталды. Онда әкімдер әр округтегі өткен жылдағы біткен істерді саралап, жаңа жылдағы атқарылар жұмыстарды іріктейді. Облыс әкімінің баспасөз хатшысы хабарлағандай, қаңтардың аяғына қарай, яғни айдың 27-нен бастап, бұл эстафетаны аудан, қала әкімдері жалғастырады. Аудан, қала әкімдерінің есебін ақпан айының 11 жұлдызында Қарабалық әкімі аяқтайды. Облыс әкімі Нұралы Сәдуақасовтың облыс жұртшылығы өкілдерімен есепті кездесуі 18 ақпанға белгіленді. Елбасы тапсырмасына сәйкес барлық деңгейдегі әкімдердің есеп беру маусымы жыл сайын өтеді. Есепті кездесулерде облыс өңірлерін экономикалық-әлеуметтік дамытудың жылдық қорытындылары ортаға салынады. Әкімдер ауыл, аудан тұрғындарының сұрақтарына жауап береді. Облыс тұрғындарының аймақ әкімінің есебіне дейін көкейкесті сұрақтарын алдын ала жолдауларына мүмкіндіктер жасалған. Нәзира Жәрімбетова. Дерек, сурет: egemen.kz.