Қоғам • 24 Мамыр, 2024

Су тасқынынан зардап шеккен 356 отбасы баспаналы болды

46 рет
көрсетілді
1 мин
оқу үшін

Қазақстан Үкіметі су тасқынынан зардап шеккен азаматтарға келтірілген шығынды өтеу жұмыстарын әлі де жалғастырып келеді. Су тасқынынан кейін 356 отбасы қираған баспанасының орнына тұрғын үй мен пәтер алды, деп хабарлайды Egemen.kz Үкіметтің баспасөз қызметіне сілтеме жасап.

Су тасқынынан зардап шеккен 356 отбасы баспаналы болды

Фото: liter.kz

Бүгінгі таңда 29 625 отбасы 10,7 млрд теңгеден астам сомаға 100 АЕК мөлшерінде біржолғы төлем алды, барлығы 30 912 өтінім қабылданды. Аталған жұмыстар Қостанай, Ақтөбе, Ақмола, Батыс Қазақстан, Қарағанды, Павлодар, Абай, Ұлытау облыстарында толығымен аяқталды. Жұмыс Атырау және Солтүстік Қазақстан облыстарында жалғасып жатыр.

Зардап шеккен өңірлерде 8 863 нысан бойынша залалды бағалау жұмыстары аяқталды.

356 отбасы жаңа үйлер мен пәтерлерге ие болды. 1 472 үй салынып жатыр. 1 389 үйде жөндеу жұмыстарын жүргізуге 5,2 млрд теңгеден астам қаражат бөлінді. 3 804 отбасы материалдық шығын үшін жалпы сомасы 657 млн теңгеге өтемақы алды.

Айта кету керек, мал шығыны үшін берілген төлем көлемі 1,6 млрд теңгеге жетті.

Келтірілген зиянды өтеу жұмыстары жалғасуда және тұрақты бақылауға алынған.