Шаруашылық • 21 Мамыр, 2024

Тасқын зардабы: Махамбет ауданында егіншілер шығыны толық өтеледі

56 рет
көрсетілді
1 мин
оқу үшін

Атырау облысына қарасты Махамбет ауданында 66 егін алқабы және 27 мал шаруашылығы қожалығы зардап шеккен. Айта кетерлігі, бірде бір мал шығыны болмаған, өйткені, қауіпті аумақтар қожалықтарындағы мал басы толықтай алдын ала бекітілген қауіпсіз жерлерге көшірілген, деп хабарлайды Egemen.kz

Тасқын зардабы: Махамбет ауданында егіншілер шығыны толық өтеледі

Фото: kazpravda.kz

Махамбет ауданының Төтенше жағдайлар жөніндегі жедел штабы мәлім еткендей, өр суынан зардап шеккендер қатарында 1 өндірістік жылыжай құрылысы, 1 жылыжай, 1 ешкі сүтін өндіретін зауыт, 1 балық өсіру зауытының құрылысы және 4 демалыс орны бар.

Зардап шегу қаупі бар аймақта егін шаруашылығымен айналысатын 7, мал шаруашылығымен айналысатын 19 шаруа қожалығы бар.

«Зардап шеккен егін шаруашылығы иелерінің шығыны толықтай өтеледі. Өр суының қарқыны саябырлаған соң, арнайы комиссия құрылып, акт жасалып, есебі жүргізіледі», деп нақтылады аудан әкімі.